Қанат Ысқақов, ұйымдастырушы:

- Бұл Game day 2023 деп аталатын руспубликалық турнир. Мұнда қатысушылар компьютерлік ойындар жасауға тиіс. Байқау сәуір айында басталған. Оларға әр тапсырмаға үш күн берілді. Мысалы, танымал кинолардың кейіпкерлеріне қатысты техникалық тапсырмалар берілді. Балалар бәрінен сүрінбей өтті. Финалистер ертеңақ ІТ саласында жұмыс істеп кетуге дайын балалар. 

Байқауды ұйымдастырушы «Ел үміті» қоры. Game day 2023 деп аталатын республикалық турнирге 200-ден аса оқушы қатысқысы келген. Олардың бәрі ІТ саласында өздерін сынап, түрлі жарыстарға қатысып жүрген жеткіншектер. Өтініш берушілердің ішінен елуі таңдалып, олар Астанадағы ақтық сайысқа қатысты. Қатысушылар Алматы, Шығыс Қазақстан, Батыс Қазақстан, Маңғыстау өңірлерінен келген. Мұнда болашақ ІТ мамандарына «банктік ойын», «ойын кейіпкерлерін құрау», ойын үшін алаң құрастыру сияқты тапсырма берілген. Байқауға келген оқушылар өз мүмкіндіктерін көрсетіп, білімімен алмасып қайтты. Жеңімпаздар құнды сыйлықтармен марапатталды. 

Анастасия Орлова, жеңімпаз оқушы:

- Мен IT саласына 2018 жылдан бастап қызығамын. Уақытымның көп бөлігін арнамасам да, маған осы қызық. Маған түскен тапсырма «банктік ойын» құрастыру болды. Басында банк деген не, онда қандай операция орындалады деген сияқты сұрақтарды іздедім, нақты терминдермен жұмыс істедім. Маған үш күн берілді. Ойынның мазмұнын да, суретін де, бар жұмысын өзім істедім.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!