Мынау Сырымбет тауының етегінде орналасқан «Айғаным қонысының» макеті. Шоқанның әжесінің кемеңгерлігін  мойындаған  Александр патша 5 мың рубль бөліп, сол ғимараттарды салдыртқан. Онда мектеп, медресе, мешіт, қонақ үй тіпті диірмен мен аткерме болған. Кейіннен  қирап, жойылған қоныс 1993 жылы реставрациядан өтті. Қазір аспан астындағы тарихи-этнографиялық мұражайға айналған. Петропавлға жеткізілген жәдігерлердің біразы қазба жұмыстары кезінде табылған екен. Уәлихановтар отбасының жеке заттары: самаурын, қобдишалар, тіпті кәмпит салатын қорапқа дейін бар. Көпшілігін кейінгі ұрпақтары табыс еткен. Соның бірі Айғанымның өзі киген камзолы.

Назгүл Бейсембина, көрме жетекшісі:

- Бұл қамзолдың ерекшелігі тігісі. Өте ерекше. Алтын жіппен тігілген бір ерекшелігі. Осы қаптырмаға қарайтын болсақ қаптырма күмістен жасалған және сердалик тасы. Сердалик тіл көзден сақтаған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!