Басқа мәлімет жариялауға жатпайды. Өйткені іс «аса құпия» белгісімен тергеліп, үкім де ақпарат құралдарының қатысуынсыз шыққан болатын. Істің жәй-жапсарының жарияланбауы тіпті заңмен міндеттелген. Мемлекеттік құпияны ашқан адам түрмеге тоғытылады.

Қауіпсіздік комитетінің бұрынғы төрағасы мен оның үш орынбасары былтыр қаңтарда төңкеріс жасап, билікті күшпен тартып алмақ болды, жаппай тәртіпсіздіктерді ұйымдастырды және құзыретін асыра пайдаланды, Отанға опасыздық жасады деген бірнеше ауыр айып тағылған. Кәрім Мәсімов 18 жылға бас бостандығынан айырылды. Әнуар Садықұлов 16, Дәулет Ерғожин 15 жылдан арқаласы, тағылған айыбы жеңілдеу Марат Осипов 3 жылға кесілген болатын. Енді олар бұл үкіммен келіспей, апелляцияға беріп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!