Сөйтіп жерлерді сатылымға шығаруға дайындап жатыр екен. Ал әкімдіктегілер бұл жердің мазарларымен қоса сонау 2004 жылы жекенің қолына өтіп кеткенін растап отыр. Мазалаған мәселемен тек сотқа жүгінуге болады деп тұрғындарға кеңес берді шенділер. Толығырақ тілшіміз Нұртілеу Жылқышыбай толықтырсын.

- Бауырым жатыр мына жақта. 22 жылда 7-ші мартта қайтыс болған. Бәрі айтады мына жерді эсковатор әкеліп, с землей сровнять етеміз деп.

Көзде жас, көңілде мұң. Марқұм болған жақындарының бейтін ұстап, шырылдап жүрген Соня Валиеваның соңғы бір айда кешкен күйі осы. Абай ауылындағы мына мұсылман зиратында 5 бірдей бауыры жерленген. Өткен айда сол мүрделер жатқан жердің жекенің қолына өтіп кеткенін естіп, жағасын ұстапты.

Соня Валиева:

- Жерлетпей жатыр. Біз саламыз дейді. Салмасақ 64 сотықты 25 миллионнан сатып алыңыз дейді. Халықта қандай ақша? Не үшін сатып аламыз? 27:01 Солар айтады мынаны да 5 миллионға сатып аласыздар длеп. Немесе, эксгумация жасаймыз дейді.

Бұл мәселе Жалғыз Соня Валиеваны ғана емес, бүтін бір Абай ауылының тұрғындарын түртіп отыр. Өйткені, зиратта 3мыңға жуық мола бар. Жалпы көлемі 2 гектар болса, соның 68 сотық жері жекенің меншігінде екен.

Жұрттың айтуынша, зират мына контейнерден бастап, ар жақтағы қоршауға дейін тігінен екіге бөлінген. Мына жағы мемлекеттің меншігінде болса, ар жағы жекенің қолында кеткен. Сорақысы, жергілікті тұрғындардың ата-бабаларының моласы дәл сол жерде қалып қойыпты.

Расында да, Абай ауылындағы сол 68 сотық жер арнайы сайтқа сатылымға шығарылыпты. Мүлік иесі оны 25 миллион теңгеге бағалапты. Алайда, жазылып тұру керек болған нөмірін таба алмадық. Хабарландыруды өшіріп тастаған сыңайлы.

Рустам Қайриев:

- Тұрғындар ретінде біз жердің иесіне хабарласып, не болып жатқанын сұрадық. Бірақ, әркімге әр түрлі жауап берді. Біресе 2004-ші жылы сатып алдым десе, біресе жер мұрагерліктен қалды деп өзімізге сатып жатыр. Әкімдіктегілерге де хат жаздық. Бірақ, әлі күнге дейін жауап ала алмай жүрміз. Кейін оның полиция майоры екенін білдік.

Мүрделер орналасқан жердің қалай жекеге өтіп кеткенін білу үшін тұрғындар әкімдікке барды Бірақ, Райымбек ауылдық округінің әкімі де, орынбасары да орнында болмай шықты. Екеуі бірдей ауырыпты қалыпты мыс. Халықтың алдына шыққан бас маман жердің жекеге кеткенін растап отыр. Бірақ, жай-жапсарын білмейді.

Құралай Қошақанова, Райымбек ауыл округі әкімі аппаратының бас маманы:

- Загитов Мұхтар деген азаматқа жеке меншігіне шаруа қожалығын жүргізу үшін берілген.

- Ол жақ санитарлық аймақ емес пе? Қалай мүрденің жанынан шаруа қожалығын жүргізуге беріледі сонда?

- 2004 жылы беріліп кеткен жер. Қандай себеппен, қандай жағдайда берілгені бізге белгісіз.Алдағы уақытта анықтау шараларын жүргізіп, комиссия құрып, орнына шығып тексеру жұмыстарын жүргіземіз.

Бірақ, тексерістен нәтиже шыға ма? Бас маманның өзі сотқа жүгіну керек деп отыр. Ал, сол күйі шырылдап қалған бұқара мәселені шешуді сұрап депутаттарға хат жазуға бекінген.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!