Төтенше жағдайлар қызметі шомылу маусымы басталмай тұрып, өңірдегі суға түсетін барлық орындарды тексеріп шыққан. Тіпті сүңгуірлер су астына түсіп, қауіпті заттардан түгел тазартқан. Яғни шыны бөтелкелер мен темір-терсектерді сүзіп шыққан. Облыс аумағында шомылуға рұқсат етілген 21 жағажай бар. Мамандар аптап ыстықта тек сол жерге баруға кеңес береді. Өйткені жабдықталмаған жерде шомылған өте қауіпті. Мәселен, былтыр өңірде 7 адам суға кетіп өлген.

Жадыра Аманғалиқызы, ШҚО ТЖД баспасөз қызметінің бас маманы:

- Рұқсат берілген – арнайы құтқарушы маман бар деген сөз. Алғашқы медициналық көмек көрсететін дәрігерлер болады. Және де бұл жерлерде жағажайдың түбі түгел тексерілген. Адамдардың қауіпсіздігіне барлық жағдай жасалған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!