Өйткені  тауарын тек темір жолмен тасымалдайтын зауыт басшылары тоқырауға ұшыраймыз дейді. Ал рельстерді кесіп жатқан кәсіпкер аукционнан алған теміржол торабын әкімдікке кері сатып алуға ұсынған екен. Бірақ олар құлық танытқан жоқ дейді.

Кезінде комбинатқа тиесілі болған темір жол 90-жылдары банкке кепіл ретінде өтіп, ақыры оны бірнеше кәсіпкер сатып алған. Жеке қолға тиген соң кәсіпкерлер дамытудың орнына өзім білемге салып, темірлерін кесіп сатып жатыр. Бұрын пойыздың дүрсілі естілетін аумақта қазір темір кескіштің дауысы жаңғырады.

Шикізат пен дайын өнім тасымалдауға арналған шойын жолдың бойында бірнеше кәсіпорын бар. Мұнда мыңдаған адам жұмыс істеп нәпақа тауып жүр. Егер теміржол талқандалса, тасымалдан қағыламыз дейді өзге кәсіпорын иелері. 

Бауыржан Құдайбергенов, кәсіпкер:

- Қазір бұл жолда істепи тұрған зауыттар бар. Жол бұзылса, шикізат тасымалданғаннан кейін зауыттардың жұмысы тоқтайды. Кәдімгі асфальт жолмен тасыса, біріншіден, асфальтты құртамыз, екіншіден, ол қымбат болады. Құны қымбаттайды да, біздің тауар бәсекесіз болмақ.

Қаладағы жекеменшікке өтіп кеткен теміржол тұйықтарының біразы бұзылған. Бір сәттік пайданы ойлаған бизнесмендер темірін сатып, ағашын отқа жағып жіберген.

Теміржолдың бір бөлігі әу баста Кентау жылу энергоорталығына тартылған. Ол жолмен жыл сайын вагон вагон көмір тасылатын. Бірақ ол да ақыры жекешеленіп тынды. Соның салдарынан бұзылып сатылып кеткен. Нәтижесінде мекеменің шығыны артып, тұрғындарға тариф қымбаттаған. Ал кезіндегі шойынжолдан қалғаны тас қана.

Стратегиялық нысанды кәсіпкер аукционнан сатып алыпты. Кейін әкімдікке қымбатқа өткізгісі келген. Бірақ бағасына келісе алмапты. Тек телефон арқылы тілдескен Сембек Әбдірахманов әлі де өзіне тиесілі екі шақырым шойын жолды сатуға мүдделі екенін жеткізді. 70 миллион теңге берсе, темірлерді талқандамаймын дейді. Бұл дауға Кентау қаласының әкімі де араласқанымен, әзірге еш нәтиже жоқ.

Жанна Әлімбаева,  Кентау әкімінің баспасөз хатшысы:

- Кентау қаласы әкімдігі осы сатылған темір жолды мемлекеттік меншікке алу бойынша жол көлік инспекциясына, көлік прокурорына, темір жол торабына, сонымен бірге табиғи монополия департаментіне хат жолдаған. Бүгінде хаттың жауабын күтіп отырмыз.

Хаттың жауабы келгенше, қаладағы жекеге өтіп кеткен темір жолдар түгел талқандалатын сияқты. Себебі, өзге кәсіпкерлер де рельстерді кесіп, қара темір қабылдайтын орындарға өткізуге бел буып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!