Арыз-шағым көбейген соң, Бәсекелестікті қорғау агенттігі мен көлік прокуратурасы тексеріс жүргізіп, компанияның нарықтағы үстемдігін теріс пайдаланғанын анықтапты. "Air Astana әр билет құнына жанармай алымын қосып отырған дейді құзырлы орган. Істі қараған Алматының ауданаралық соты әуе компаниясына қомақты айыппұл салды. Сот шешімі заңды күшіне әлі енген жоқ. Air Astana рейстерді кешіктергені үшін де былтыр бірнеше рет айыппұл арқалаған болатын.   

Нұрхан Оразов, ҚР Бәсекелестікті қорғау және дамыту агенттігі, тергеп-тексеру департаментінің бас консультанты:

- Жанармай алымының мөлшері әр билеттен орта есеппен 5 мың теңгені құраған. Жанармай алымы  әуе компаниясының авиация жанармайына жұмсалатын ықтимал шығыны, ол билетті сату кезінде ескерілмеу керек. Сонымен қатар тексеруде әуе компаниясының ай сайын авиажанармай бойынша келісімшарт жасайтыны, яғни баға мен көлемі туралы алдын ала білетіні анықталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!