Шығыстағы орман өртінің түтіні Жетісу облысына да жетті
Шығыстағы орман өртінің түтіні Жетісу облысына да жетті. Облыс орталығы мен бірнеше ауданды қара түтін басып, ауада ыстың иісі тұр. Мамандар бұл жағдай тұрғындардың өкпе және жүрек-қан тамырлары ауруларын асқындыруы мүмкін екенін ескертуде.
Автор: Нұртілеу Жылқышыбай
12.06.2023
Әдетте аспаны ашық жасыл қала атанған Талдықорғанның аспанын түгел қалың түтін басқан. Жетісу облысының орталығымен қоса Сарқан, Ақсу, Ескелді, Алакөл, Қаратал аудандарында да көрініс осындай. Абай облысындағы алапат өрттің түтінін жел айдап әкелген. Мамандар әзірге жетісулықтарды далада ұзақ уақыт жүрмеуге немесе бетперде киіп шығуға кеңес береді.
Қанат Алтынбеков, Жетісу облысы ТЖД бастығының орынбасары:
- Жетісу облысының аумағында түтін басу себебі: Абай облысының аумағындағы орман өрттерінің салдарынан. Сабырлық сақтауды сұраймыз. Облыс бойынша жағдай тұрақты. біздің облысымызда. Ешқандай өрт болып жатқан жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
