Алматыда Абай облысының тұрғындарына гуманитарлық көмек жинап жатыр
Біз біргеміз! Алматыда Абай облысының тұрғындарына гуманитарлық көмек жинау басталды. Бірінші кезекте ең қажет деген заттар қабылданып жатыр.
Автор: Асқарбек Қазанғап
12.06.2023
Көрпе, ұйықтайтын қап, бетперде, термос, балалар жаялығы мен гигиеналық заттар. Еріктілер тез бұзылмайтын азық-түлікті фронт-кеңседе сұрыптауда. Қабылдау пункті Байтұрсынов көшесінде орналасқан. Таңғы сағат 10-нан кешкі 7-ге дейін жұмыс істейді. Гуманитарлық көмек туралы бүгін түсте жариялағандықтан, әзірге қажет заттың бәрі жиналып болмады. Дегенмен еріктілер тұрғындардың жұдырықтай жұмылып, көмек беретініне сенеді.
Алмас Байзақов, ерікті:
- Бұрын біз Қостанайға осындай волонтер шарасына қатысып көмектескенбіз. Қаншама тонна астық, азықтүлік, керек қажеттіліктер жібердік. Өзім осы Алматы облысының тумасы болғандықтан, өз еліме, өз жеріме барып көмектесе алмасам да, осындай затты қолдан келгенше жіберіп, көмектесіп жатқан жайым бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
