Ақтөбеде қоқыс шығарту екі жарым есеге қымбаттады
Ақтөбеде қоқыс шығарту құны екі жарым есеге қымбаттады. «Тарифті көтермесек, қаланы күл-қоқыстан тазарту мүмкін емес» - дейді шенеуніктер.
Автор: Жаңалық Ахаш
22.06.2023
Бұған дейін қоқыс шығартуға пәтерде тұратындар жан басына айына 180 теңге, жер үй тұрғындары 200 теңге төлеп келген еді. Енді жаңа тариф бойынша 417-450 теңге деп белгіленді.
Ақтөбеде қоқыс тазалаумен айналысатын үш компания бар. Оның бірі мамыр айында жұмысын тоқтатқан. Енді табысынан шығыны көп деп, тағы бір мердігер қызмет көрсетуден бас тартқанын айтыпты. Сондықтан қоқыс шығару құнын амалсыз қымбаттатық дейді атқамінерлер. Тарифті бекітуге қатысты тартыс көктем шыққалы жалғасып келеді. Онымен қоса тұрғындардың жартысына жуығы қоқыс шығару қызметіне ақша төлемейді екен.
Серік Дәулетов, Ақтөбе ТКШ бөлімінің сектор меңгерушісі:
- ЖЖМ бағасы өсті. Жұмысшылардың жалақысы өсті. Сол себепті аталған мердігер мекемелер шығынмен жұмыс істеді. 600 мыңға жуық абонентіміз бар. Оның ішінде 40 пайызы төлемейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
