Саяси тақырыпта жазатын үздік журналистті анықтайтын байқау алғашқы рет өтсе де, бүкіл облыс пен үш ірі қаланың тілшілері өз жұмысын өткізіпті. Журналистер еліміздегі саяси жүйенің дамуы, азаматтық қоғам, партиялар бәсекесі сынды тақырыпты қаузаған. Қазылар алқасы 23 мақала мен 12 бейнематериалды қарап шығыпты.  Мән-мағынасы терең авторларына арнайы диплом және ақшалай сыйлық табысталды. Ұйымдастырушылар мұнымен тоқталмай, БАҚ өкілдеріне арналған байқауды жылда өткізуді жоспарлап отыр.

Ғазиз Құлахмет, қазылар алқасының мүшесі:

- Рахат марқұм, мысалы интелектуалдық мазмұнды дүниелерге көп мән беретін. Сондықтан да сол дүниені ашып іріктеу, журналистикаға келетін адамдарды тарту мүмкіндігін тартынбай жұмыс істейтіндей, сол жағынан көп қарадық. Келіп жатқан материалдардың сапасы әр түрлі деп айтсақ болады. Бірақ көз жүгіртер, көз тоқтатып мақтауға тұрарлық жеңімпаздар алып жатқанға қарағанда – материалдар бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!