Іздеуде жүрген «Оператор РОП» экс-құрылтайшысы Шынар Мұқтарова ұсталды
Атышулы «Оператор РОП» компаниясының бұрынғы құрылтайшысы ұсталды. Шынар Мұқтароваға былтыр халықаралық іздеу жарияланған болатын.
Автор: Айжан Шамшидин
05.07.2023
Антикор оны Интерполдың көмегімен Дубайда қолға түсіріпті. Енді Қазақстанға экстрадициялау ісімен Бас прокуратура айналысып жатыр. "Оператор РОП" компаниясы былтыр қаңтарға дейін елдегі утилизация алымын жинаумен айналысқан. Кейін істі мемлекет өз қолына алды.
Ал бірер күн бұрын ғана "Оператор РОП" басшылары мен олармен ауыз жаласқан экология министрінің бірінші орынбасары сотталған болатын. Шынар Мұқтароваға да антикор утилизация алымынан түскен қаражатты жымқырды деген айып тағып отыр. Тергеу мәліметінше, Мұқтарова дивиденд ретінде 920 миллион теңгені қалтаға басқан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
