17-19 жастағы үш қыз кеше түсте жоғалған. Каспий жағалауында үрмелі матрацпен шомылып жүрген бойжеткендер толқынның бағытымен ашық теңізге ығып кетіпті. Содан кейін шұғыл түрде штаб құрылып, іздестіру жұмыстарына шекарашылар, полиция мен Төтенше жағдайлар департаментінің жеке құрамы жұмылдырылды. Тіпті, «Қазавиақұтқару» тікұшағы да көмекке келіпті. Бірақ құтқарушылар кешке дейін айналаны шарлап шыққанымен еш нәтиже болмаған. Тек таңғы алтылар шамасында "Қазтеңізкөлікфлоты" компаниясының «Сұңқар» экипажы теңіз жағалауынан 22 шақырым қашықтықта жүрген үшеуін тауып, Ақтау портына жеткізген.

Ратбек Демеуберген, Маңғыстау облыстық ТЖД Азаматтық қорғаныс басқармасының бастығы:

- Қазіргі таңда департаменттің медицина құтқару орталығының психологтары бірлесіп жұмыс жасады. Қыздардың жағдайлары жақсы. Суға түсуге жабдықталмаған жерде түскен. 01.18 Осыған байланысты облыс қонақтары мен тұрғындарын су айдындарындағы қауіпсіздік ережелерін сақтауға 112-ден келетін смс-ескертулерді назардан тыс қалдырмауға шақырамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!