Бір айдан астам уақытқа жалғасқан түсірілім аяқталуға жақын. 8 бөлімнен тұратын туындының ауқымы үлкен, маңызы зор. Себебі медицина тақырыбында түсірілген дәл осындай сериал кемде кем. Сәби сүйуді армандаған отбасылар, ана мен бала денсаулығы, ота жасаудағы дәрігерлердің жанкештілігі сценарийге арқау болған.

Мейрамгүл Жанатқызы, режиссер:

- Аңсаған сәби сериалының бүгін 25-ші түсірілім күні болып жатыр. Бүгін біз «Private» клиникасында осы біздің бас кейіпкерлеріміздің кабинеттің түсіреміз. Ол узи кабинеті, ол гинеколог кабинеті. Осы клиниканың басшыларына бізге рұқсат бергендеріне үлкен алғысымызды білдіреміз.

«Аңсаған сәби» телехикаясы шынайы оқиғаға негізделген. Әсіресе бас кейіпкер Әнуар Асанбаевтың шым-шытырыққа толы ғұмыры сериалда шебер көрсетіледі. Ол табандылығының арқасында жолдан жаңылмайды. Дәрігерлік жолында кездескен қиындықтармен күресіп, тек ақиқатқа қарай ұмтылады.

Мұқағали Мырзамбетов, актер:

- Бізде екі әпкелі сіңілі туылған. Бір-бірнен айнымайды. Біріншісі мүлде бала көтере алмайды. Екіншісінде бәрі жақсы. Сонымен бірінші әпкесінің орнына екінші сестренкасы келіп, сол кіснің поный фамилия данный мен бала көтереді. Оны біздің клиниканың врачтары елу пайызы біледі, елуі жасырады. Соныңда мен екеуінің әпкелі-сіңілі екенің тәжірбие жүзінде дәлелдеймін. Шын өмірде бұндай оқиғалар болған.

Ерекше сценариймен өрбіген сериал жұртты жалықтырмайтыны анық. Ал, телехикаяның алғашқы бөлімі экранға қыркүйек айында жол тартпақ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!