Қайғылы оқиға таңғы сағат 5:30-да Көкшетау-Рузаевка тас жолында болды. Лексуспен Қостанайдан келе жатқан 42 мен 38 жастағы ерлі-зайыптылар мен олардың 14 жастағы баласы сол жерде тіл тартпай кетті. Соққының қатты болғаны сонша, жеңіл машина отқа оранып сау тамтығы қалмады. Ал жүк көлігінің жүргізушісі түрлі дене жарақатымен облыстық ауруханада жатыр. Жол апатының себебі мен кінәлі сараптамадан кейін белгілі болады.

Уәлихан Жүнісбеков, Ақмола облысы ПД басқарма бастығының орынбасары:

- Lexus жеңіл көлігі Қостанай қаласынан түнде шыққан. Көкшетаудан 39 шақырым асқанда DAF жүк көлігімен бетпебет соғылған. Үш адам мерт болды. Үшеуі де бір отбасынан. Сот-медициналық сараптама тағайындалып, сотқа дейінгі тергеу басталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!