Жәбірленуші тарап миллиондаған ақша аударғанын дәлелдейтін түбіртек болғанмен, арыз жазылғанмен, экс-шенеунік пен әйелі әлі күнге жауапқа тартылмады дейді. Алматы облысы полиция департаменті даулы іске қатысты пікірін айтты.

 Алматының Құлжа тас жолының тұсы кезінде Талғар ауданына қараған. Кейін қала шекарасы кеңігенде мегаполистің балансына өтті. Кирас Насибаев дәл сол аралықта бизнес бастаймын деп, 1700 шаршы метр бітпеген ғимаратты қыруар қаржыға экс-әкімнің келіншегінен сатып алыпты. Әу баста құжаты дұрыс болғанмен, кейін прокуратура заңсыз деп тауып, сот үш қабатты нысанды сүруге шешім шығарған.

Кирас Насибов, жәбірленуші:

- Бітіргеннен кейін үкімет менен мемлекет қажетіне сатып аламыз деді. Алыңдар дедім. Маған 696 миллин теңге берді. Сөйтсем Талғарда соттасқанда жойып тастаған. Әйелі – Сарванова Наташа. Әкім болғанда өз әйеліне бұл жерді рәсімдеп тастаған. Ақшамды қайтармай жүр. Үкіметтің ақшасын қайтаруымыз керек, менің ақшамды қайтармай тұр, Сарванова. Қашып жүр. Қайда жазсам, барады да, сатып алады.

Жасы 70-ке жеткен ақсақалдың қақпаған есігі қалмаған. Жаңа жылға дейін Үкіметтің жерді кері алып, үш қабатты ғимаратты сүргені үшін өтемақы ретінде берген миллиондаған ақшасын қайтаруы тиіс. Өзін алдап соққан экс-әкімнің әйеліне де, сот жәбірленушіге күйген қаржысын өтесін деген шешім шығарғанмен, ешқандай шара қолданбай жатқанына күйінеді.

Қайрат Молдахметов, адвокат:

- Толық материал жиналған. Біздің ақша бергенімізді дәлелдейтін құжаттар тұр. Көзбекөз беттестіргенде екінші тарап мойындап тұр, «иә, ақшаны алдық» деп. Областағы ІІД тергеушілері өте баяу қозғалып жатыр. Алаяқтық бабымен арыз жаздық, Талғар ауданына. Наурыз айынан бастап іс қозғалған. Содан бері не қамау, не процессуалды бір шешім шығару керек қой. Тергептексеру, мысалы екі ай.

Қомақты қаржысынан айырылғандардың ісін қазір облыстық полиция департаменті қарап жатыр. «Іс сағызша созылды» деген жәбірленуші тарапқа мынадай жауап берді.

Ернар Сайділдин, Алматы облысы ПД ресми өкілі:

- Алаяқтық бойынша Талғар ауданының басқармасында тіркелген. Қазір тергеу әрекеттері Алматы облысының полиция депаратаментінің тергеу басқармасының құзырына алынды. Қылмыстық процеске қатысқандардың ұстанымы қарамақайшы. Осыған байланысты істің мән-жайын жан-жақты, толық және объективті зерттеуді үшін барлық қажет тергеу жүргізіліп жатыр. Түпкілікті іс жүргізу шешімі қабылданатын болады.

«Алаяқтардың арбауына түстік» деген жәбірленуші тараптың ендігі тілегі – істі тез сотқа жеткізу. Жаңа жылға дейін мәселе біржақты болмаса, банкротқа ұшыраймыз ба деп уайымдайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!