Ата-бабасының басына құран бағыштауға ниетті жұрт кезекті рет оқу сауықтыру орталығының қақпасының алдында тұруға мәжбүр. Себебі, үш ғасырлық тарихы бар Қақпатас қорымына тек осы лагерь арқылы ғана баруға болады. Ал, бұл мазаратқа Нысанбек және Қайнар ауылының жұрты әліге дейін мұнда о дүниелік болған туыстарын  қояды. Бірақ, 2005 жылы жергілікті шенеуніктер лагерге жер бөлу кезінде ескі қорымды қосып бере салды дейді.

Қасымхан Өмірзақов, Төлеби ауданының тұрғыны:

- Сол кездегі Леңгірдің жер комитетерінің қатесі, сол кезде былықтырды да кадастр бөлімінін қателігі. Келіп топосъемка істемеген, әшейін сырттай істегенде жіберген бәрін. Ал, кейін 2018де Артек болды. Олар алғанда сол госактіні көшіре салған. Ал негізі аумақты өлшеу керек.

Қорымға бару үшін лагерь басшысының рұқсатын алған соң журналға жазылып, күзеттің бақылауымен ғана жүруге болады. Сұмдығы, сол демалыс аймақтарының ортасында тұрған бейіт жынойнақтың ордасына айналды дейді. Кедергісі көп деп келушілері аз болған соң, Қақпатас қорымының бір бөлігі бүлініп, тіпті адам сүйектері көп шығады екен. Бұл жолы да бірнеше мүрде аяқасты болып шықты.

Бақытжан Өмірзақов, Төлеби ауданының тұрғыны:

- Ұлдар мен қыздардың осы жерде жынойнақы болып жүргенін байқадым талай. Содан енді бұл әулиелі жер. Мазараттың өзі жынойнаққа айналып кетті. Әлгі әруақтарды құрметтемеді. Сол үшін бізге тазалық керек. Басқа керек. Қазіргі басшыларға айтарым, ей өлі разы болмай тірі байымайды.

Ал, жергілікті басшылар кезінде аудандағы шенеуніктердің былықтырғанын мойындайды. Бірақ, Қаржы министрлігі мен Оқу-ағарту министрлігінің теңгеріміне кеткен 2 гектарға жуық мазаратты қайтару үшін қанша арыз жазғанымен, мардымды жауап болмай жатыр деп ақталды.

Дәулет Исабекұлы; Төлеби аудандық жер қатынастары бөлімінің бас маманы:

- Шешімі тек қана жаңағы аталған министрліктер барлығы отырып, бір консилиум жасап, жиналыс жасап, ақылдасып, енді нақты 28 соттығы мазардың кіріп тұрғаны анық көрініп тұр. Енді ауданның арнайы жерін қайтарып, мазараттың орнына бөлек мемлекеттік акт заңдастырып беру тек қана.

Яғни лагерь аумағына өткен мазаратты қайтарудың машақаты көп. Ал марқұмдарды жерлеп, құран бағыштау үшін, әркімге жалынудан мезі болған жұрт Қақпатас қорымына барар жолды тау арасымен өздері салып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!