Алдымен теңізде кемелер шеруі ұйымдастырылды. Каспий жағасына тізілген 7 бірдей әскери кеме шеруін қала тұрғындары тамашалап, теңізшілердің арнайы қойылымына тәнті болды. Әскери-теңіз күштері флотының қатарында зымыранды-артиллериялық кемелер мен мина-тартқыш корабль, гидрографиялық кемелер бар. Жағалау бойымен бірдей сап түзеген теңізшілер көрермендерді кеме артиллериясы қаруының дауысымен қарсы алды. Ал құрлықта салтанатты маршпен Ақтау гарнизонының әскери бөлімдері жүріп өтіп, көрермендерді әскери-теңіз формасымен және сыптай тізілген сап қатарында таң қалдырды.

Бауыржан Мұратұлы, Әскери-теңіз базасының командирі:

- Әскери теңіз базасының кемелері өздерінің жауынгерлік даярлығын көрсетті. Бәрі жаңа кемелер. Соның ішінде 4 кемеміз зымырандыартиллериялық кеме Қазақстанның әскери өнеркәсібінде салынған. Келешекте 10 мың тонналық кемелерді алу жоспарлануда. 2025-26 жылдары басталады деп ойлаймыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!