Даудың басы еңбек және халықты әлеуметтік қорғау вице-министрі Олжас Ордабаевтың сөзінен кейін басталды. Кітапханашылардың жалақысын өсіру мәселесі бойынша өткен жиында шенеунік сала қызметкерлерінің ең төменгі айлығына, яғни 85 мың теңгеге өмір сүруге болады деп «жаңалық» ашқан. Бұл сөз қымбатшылықты айтып, жалақысын өсіруді сұрап отырған кітапханашылардың шамына тиген. Кейіннен Ордабаевтың ойланбай айтқан бұл пікірі әлеуметтік желіде қызу талқыланып, министрлік өкілінен аз ақшаны қалай үнемдеудің құпиясын сұраушылар көбейіп кеткен.

Олжас Ордабаев, ҚР Еңбек және халықты әлеуметтік қорғау вице-министрі:

- 85 мың теңгеге өмір сүруге бола ма? Әрине, болады. Бірақ қазір әр салада еңбекақының мөлшері өсуі керек. Осы әдіспен айналысып жатырмыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!