Тергеу материалдары бойынша, 30 жастағы сотталушы банк бөлімшесіне басып кірер алдында есірткі емес, суицид жасау мақсатында дәрі ішіпті. Бірақ препараттың әсері болмай, ол банк ғимаратына шабуыл жасауды ұйғарған.

Прокуратураның хабарлауынша, Жамбыл облысының тумасы мұқтаж адамдарға ақша талап еткісі келген, содан кейін оны құрықтау кезінде полицейлер атып тастайды деп үміттеніпті. Елді дүрліктірген азамат сот алдында кешірім сұрап, ешкімге зиянын тигізгісі келмегенін жеткізді. Егер Әлихан Мұрадовтың кінәсі дәлелденсе, ол жеті жылдан 12 жылға дейін түрмеге тоғытылады.

Раушан Ақшораева, Астана прокуратурасының аға прокуроры:

- Әлихан Мурадов қолда бар құралдардан жарылғыш құрылғының муляжын жасады. Сыйлық дүкенінен жеңіл тапанша сатып алған. Сол арқылы банк бөлімшесіне шабуыл жасап, банк қызметкерлерін кепілге алды. Осылайша Әлихан Мурадов ҚР ҚК 261-бабы, 4-тармағының 2-бөлігінде көзделген әрекетке барды (кепілге алу)"

Бізді Youtubе-та қараңыз! Бізді Facebook-та, Instagram-да, Telegram-да оқыңыз!