Мемлекеттік айыптаушы екі күдікті матаны өртеп, оқ-дәрілер тұрған қоймаға терезеден әдейі лақтырған дейді. Ал сарбаздардың бұл іске баруына штаб бастығымен жеке бас араздағы себеп көрінеді.

Асылбек Темірбеков, Оңтүстік аумағы әскери прокурордың орынбасары:

- ҚР ҚК 202-бабы, 3-бөлігінің 1,2-тармақтары бойынша 10 жылға бас бостандығынан айыруды, ҚК 459-бабының 2-бөлігі бойынша 5 жылға бас бостандығынан айыру жазасын тағайындауды, ҚР ҚК 58-бабының 3-бөлігін негізге ала отырып, жазаны ішінара қосу арқылы түпкілікті 13 жыл мерзімге бас бостандығынан айыруды тағайындауды сұраймыз.

Осы іске қатысты тағы төрт офицер айыпты деп танылған. Олар салғырттық және қару-жарақты сақтауда қауіпсіздік ережелерін ескермеу бабымен жауап беруде. Прокурорлар жарылыс болған бөлім командирі мен оның орынбасарын 6 жылға соттауды сұрады. Қалған екі қызметкерді қылмыстық жауапкершілікке тарту мерзімінің өтіп кетуіне байланысты жазадан бостуды ұсынды. Ал жарылысты «қолдан ұйымдастрды» деп тағылған айып емес, қос жауынгерлерге жабылған жала дейді олардың ата-аналары. Сөздерінше, дәл сол уақытта сарбаздар оқиға орнында мүлде болмаған.

Екі жыл бұрын болған жойқын жарылыстан 17 адам қаза тауып, 100-ге жуық жан жараланды. Келтірілген шығын көлемі 25 млрд теңгеден асады.

Алмагүл Асанова, сарбаздың анасы:

- Бірақ менің балам о бастан ондай болмаған деп мойындап отыр.

- Ол уақытта балаңыз қайда болған?

- Ол уақытта Тұранов екеуі шөп тазалаған. Екі балаға қосылып кеткен.

- Ол жерге, жақын жерде мүлде болмаған ба?

- Жоқ! 14-ші қойманы тіпті білмеген олар. Білмейді де. Бұлар біздің балаларымызды кінәсіздан кінәсіз кінәлап отыр ғой. Біз соған келіспейміз. Шындық керек бізге. Сотымыз әділ болса екен деп талап етеміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!