Қарсыластан басым түсіп 12 ұпай жинағанымызбен, қиын матчтар әлі алда деп отыр олар. Өйткені қазан мен қарашада өтетін 4 ойынның үшеуі сырт алаңда.

Есей Жеңісұлы, футбол сарапшысы:

- Қазан айында екі ойын бар. Алғашқысы Даниямен, кейін Финляндиямен. Екеуі де сырт алаңда өтеді. Сондықтан бұл өте маңызды ойындар. Егер осы ойындардан, кем дегенде, тағы 3 ұпай алатын болса, әлі де үмітімізді үзбейміз. Өйткені ар жағында СанМариномен өзіміздің алаңда ойын бар. Сосын Славениямен сырт алаңда ойын қалады. Қазіргі біздегі мүмкіндік 40/60. 40 пайыз шығамыз деп айтуға болады. Бірақ 40-тың өзі көп. 30 десек те болады.

Күні кеше ұлттық құрама Солтүстік Ирландиямен кездесіп, 1:0 есебімен ұтқан. Жалғыз голды матчтың 27-ші минутында Максим Самородов соқты. Осы жеңістен кейін Қазақстан құрамасы 2024 жылғы Еуропа чемпинатына іріктеу кезеңінде жалпы 12 ұпай жинап, Н тобының 4-ші сатысына жайғасты.

Сәтті ойынды ел президенті Қасым-Жомарт Тоқаев та тамашалады. Тартысты матчтан кейін мемлекет басшысы футболшыларды жеңісімен құттықтады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!