Әуе кемесі Қазан қаласынан Антальяға бет алған екен. Жолаушылар арасында екі дәрігер болыпты. Олар бойжеткенге алғашқы медициналық көмек көрсеткен. Бірақ 17 жастағы қыз есін жимастан көз жұмды.

Оралдағы әуежайдан күтіп алған жедел жәрдем қызметкерлері жолаушының ұшақ бортында көз жұмғанын айтады. Марқұм анасы және әжесімен Түркияға демалысқа ұшып бара жатыпты. Өзі кішкентайынан сырқат екен.

Қыздың сүйегі сараптамаға жіберілді. Ал ұшақтағы қайғылы жағдайға байланысты жолынан қалған өзге жолаушылар тек төрт сағаттан соң сапарын жалғастырды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!