Ала жаздай қоқысқа көміліп жатқан Ақтөбе қаласын енді егеуқұйрық басты. Тазалық жоқтығынан қоқыс контейнерлері кеміргіштер мекеніне айналған.

Нағмитулла Ибраев:

- Жанжақтың бәрінен жинап әкеліп осында қоқыс тастайды. Кетіп бара жатса да лақтырып кетеді. Төгіп кетеді. Үш күнге дейін алмайды. Содан кейін ана жаққа көшіріп жатырмыз.

Қоқыс тастайтын жердің бәрін атжалмандар жайлап алған. Жосып жүрген егеуқұйрықтарды тұрғындар видеоға түсіріп алыпты. «Тіпті кеміргіштерден қорқып, қоқыс шығарудан қалдық» - дейді олар. Әр жерге үйілген тұрмыстық қалдық уақтылы тазаланса, мұндай жағдай болмас еді. Ақтөбеде жаз бойы қоқыс шығаратын компания болмай, қала әбден ластанды. Қазір коммуналдық мекеме құрылып, техникалар сатып алынған. Енді тышқан қаптаған ықшамауданды дереу тазартамыз дейді шенеуніктер.

Нұржан Дүйсенбин, Астана ауданы әкімдігінің аппарат жетекшісі:

- Батыс-2 ауданындағы жағдайдан хабардармыз. Біздің тарапымыздан контейнерді ауыстыру туралы ескерту берілді. Көшеден аулаға ауыстырылды. Әр тұрғын үй ПИК айнлаысуы керек. Тышқан пайда болған жерде ешқандай қауіп жоқ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!