Юрий Куликов:

- Былтыр ғана салған жолақтары үгітіліп жатыр. Үш жүз метрлік аумақты толайым ауыстыруды велобелсенділер сұраған едік. Оған құлақ аспады. «Беріктігі мықты болады. Он жылсыз ешқандай жөндеуді қажет етпейді» деген еді. Бірақ сапасы ол айтқан сөздерімен жанаспай тұр. Ең болмағанда, веложолақ белгісі де қойылмады. Бұл жермен арба сүйреген әйелдер де, жаяу жүргіншілер де жүреді. Тіпті автокөліктер басып өтеді.

Ақтөбеде велосипед жолақтары осыдан екі жыл бұрын салына бастады. Сол уақыттан бері 17 шақырымға жуық жолақ төселген. Әкімдіктегілер қаланың орталық аудандарында жұрт велосипедпен еркін жүреді деп шешкен еді. Бірақ қос дөңгелекті көлікті тақымдағандар жүйткіп жүрмек түгілі, кедір-бұдыр жерден әрең қозғаламыз деп ашынады. Осы жобаға қазынадан 1 миллиард 300 миллион теңге бөлінген. Соның қазір 800 миллиондайын игеріпті. Шененіктер тұрғындар айтқан ескертуді назарға аламыз деп ақталады. Құрылыс сапасына қатысты хаттама толтырып, мердігерге де тапсырыпты.

Серік Дәулетов, Ақтөбе ТКШ бөлімінің сектор меңгерушісі:

- Біздің мемлекеттік мекемемізге Веложолақ сапасы бойынша шағымдар келіп түсті. Мердігер мекемеге хаттамамен тапсырма беріліп, сапасына қарай тиімді жұмыс жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!