Өрт кешкі сағат он шамасында «Арбат» дәмханасының ас бөлмесінде тұтанған. Тұрмыстық техника мен жанармай генераторы бірден отқа оранған. Кешкұрым халық көп жиналатын жерге дереу 50 шақты өрт сөндіруші мен бірнеше жедел жәрдем көлігі келген. Өрттен бес адам зардап шекті. Оның үшеуі 17 жастағы бозбалалар. Барлығы да газдан уланған. Дәрігерлердің кеңесінен кейін үшеуі де үйіне жіберілген. Ал 25 және 64 жастағы екі азамат жансақтау бөлімінде жатыр. Олардың денесі оңбай күйіп қалған дейді ақ халаттылар.

Данияр Қажығалиев, Орал ауруханасының бөлім меңгерушісі:

- 1998 жылғы науқастың денесі 35-40 пайыз күйік. Екінші 64 жастағы науқаста 20-25 пайыз күйген. Жансақтау бөлімінде жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!