{metadescription}
Сібір жарасынан қайтыс болған Топар тұрғыны мырыш табытта жерленеді
Сібір жарасынан қайтыс болған Топар тұрғыны мырыш табытта жерленеді

Сібір жарасынан қайтыс болған Топар тұрғыны мырыш табытта жерленеді

Қарағандыда сібір жарасын жұқтырған 75 жастағы Топар елдімекенінің тұрғыны қайтыс болды. Үш күн бұрын ауруханаға жеткізілген оның жағдайы ауырлай берген. Ал бүгін онымен бірге түскен тағы бір науқас күрт нашарлап, жансақтау бөліміне ауыстырылды.

Санитарлық нормаларға сәйкес,бұл дерттен өлген адам мырыш табытта жерленеді. Денені тасымалдау мен жерлеу рәсімінде де қауіпсіздік ережелері сақталмақ. Үш күн бұрын Топарда карантин жарияланған. Ауылға кіреберісте көліктерді химиялық заттармен өңдейтін санитарлық бекет қойылды. Одан ет сүт өнімдері өтпейді.

Естеріңізге салсақ, қазанның 24-і күні Топар кентінің үш тұрғыны ауруханаға түскен. Барлығында күйдіргі диагнозы расталды. Олар үйінде ауырған бұзауды сойған екен. Үйдің үлкені бүгінге қараған түні жан тапсырды. Олар дер кезінде дәрігерге көрінбей уақыт өткізіп алыпты. Енді тағы бір науқастың жағдайы күрт нашарлап кетіпті.

Бибігүл Төлегенова, Қарағанды облыстық денсаулық сақтау басқармасының басшысы:

- 62 жастағы пациент сібір жарасының қатты ауруымен, терісі қабыну синдромының күшеюі, ісіну, көлемінің ұлғаюына байланысты әрі қарай жеке динамикалық бақылау және реанимация интенсив емдеу үшін қарқынды терапия бөлімшесіне ауыстырылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде