«Арселор Миттал Теміртауға» қатысты осымен үшінші рет аза тұтып отырмыз
Бүгін Қазақстан жұрты аза тұтуда. Кеншілердің өліміне алып келген Қарағанды облысындағы қайғылы жағдай күллі халықтың қабырғасын қайыстырды. Мемлекеттік тулар төмен түсіріліп, ойын-сауық шаралары тоқтатылды.
Автор: Айғаным Достанбай
29.10.2023
1991 жылдан бері Қазақстанда Аза тұту күні осымен 13-ші рет жарияланып отыр. Оның үшеуі «Арселор Миттал Теміртау» компаниясына тиесілі кен орындарымен байланысты. Әуелгісі Ленин атындағы шахтада, екіншісі Абай шахтасында, үшіншісі Костенко атындағы кен орынында болған апатқа қатысты жарияланған бүгінгі аза тұту.
Халқымыз бір жылда осымен екінші рет аза тұтып отыр. Жазда Абай облысындағы өрттен орманшылардың бақилық болуына байланысты Президент 12 маусымды қаралы күн деп жариялаған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
