Олар қарашаның 1-нен бастап, яғни бүгіннен азық-түлік дүкендеріне нанның 20 теңгеге қымбаттайтыны жайлы хабарламаны алдын ала жіберген. Кәсіпкерлер бұған ұн бағасы көтерілгендіктен, амалсыздан жасалған қадам деп түсінген. Ал тұрғындарға 100 теңгелік нанның енді 120 теңге тұруы күтпеген жағдай болыпты. Тіпті шенеуніктердің өзі бұндай өзгерісті білмей қалған. Айтуларынша, ас атасының бағасын көтеру туралы олармен ешкім ақылдаспаған.Сондықтан рұқсатсыз әрекет еткендерге бағаны бұрынғы қалпына келтіруіне тура келді.

Елжар Құрманбек, Жамбыл облысы кәсіпкерлік және индустриалды-инновациялық дамыту басқармасының бас маманы:

- 120 теңге көлемінде сатылу бағасы бойынша фактісі анықталды. Айта кететін жәйт, супермаркеттерде нанның бағасы қазіргі таңда 100 теңге көлемінде сатылуда. Жоғарыда айтылған факті бойынша іс шара жоспары бекітіліп, сол іс шара жоспары арқылы біз нанның бағасын тұрақтандыру бойынша жұмыс атқаратын боламыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!