Бұрын қаржы пирамидасына салынған үйді сатып алып, енді айырылғалы отыр
Ақтөбелік отбасы үш жыл бұрын сатып алған баспанасынан айрылып қалғалы тұр. Себебі бұл үйді бұрынғы қожайыны қаржы пирамидасына салып жіберген екен. Сондықтан сот оны кері қайтаруға шешім шығарған.
Автор: Жаңалық Ахаш
03.11.2023
Ғани Аткеев:
- ТТБғе барып анықтама алдық. «Енді кепіл де, ештеңе жоқ, аға, бұл үй таза» деген. Соған сеніп алдық. Ұйқымыздан айырылдық. Бала да шаршады. Еңбегіміз зая кетейін деп тұр.
Жер үйде тұруды армандаған Ғани ақсақалдың қуанышы ұзаққа созылмады. Себебі бұл коттедж қаржы пирамидасына кепілге қойылып, екі рет сатылыпты. Соңғы рет Аткеевтер отбасы оны 24 миллион теңгеге сатып алған. Енді қаржы пирамидасын құрғандар ұсталғанда, бұл үйге тыйым салынған. Қаржы пирамидасын құрғандар сотталып, жылжымайтын мүлік бұрынғы иесіне қайтарылсын деген сот шешімі шығарылыпты. Алайда ақсақал пирамидаға еш қатысымыз жоқ, адал ақымызға алған мүлкімізді тартып алмақшы деп ашынады. Тіпті бұларды сотқа шақырып, үй дауына араластырмаған. Соттағылар алғашқы талапкердің арызын ғана қанағаттандырғанын мойындайды.
Ақтөбе №3 сотыың баспасөз қызметі:
- Ақтөбе №3 сотының шешімімен 2019 жылы талап қоюшы Т. және "Выгодный займ" ЖШС арасында, кейін ЖШС қызметкерімен талап қоюшының атынан жауапкер Н. арасында жасақталған тұрғын үй түріндегі жылжымайтын мүлікті сатыпалу туралы келісімшарттар жарамсыз деп танылды. Шешім заңды күшіне енген жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
