Алматы облысындағы ауруханаларды сенімгерлік басқаруға алған кәсіпкер өзіне қарасты медициналық ұйымдармен сыбайласып миллиардтарды қалтаға басыпты.

Агенттік келтірген мәлімет бойынша, жымқыру схемасын олар былай жүзеге асырған: жалған құжат жасап, әртүрлі медициналық бұйымдарға тапсырыс береді. Алайда іс жүзінде ешқандай тауар сатып алынбаған. Күдіктілер осылайша 2020-2022 жылдар аралығында Әлеуметтік медициналық сақтандыру қорынан бөлінген 2 млрд 100 млн теңгеден астам қаражатты ұрлады деп айыпталуда.

Әлібек Әбділов, ҚР Қаржы мониторингі агенттігінің ресми өкілі:

— ҚМА аумақтық департаменті аса ірі мөлшерде ұрлық жасады деген күдік бойынша тергеу жүргізуде. Аталған тұлғаларға қатысты қамауға алу түріндегі бұлтартпау шарасы қолданылды. Тергеу жалғасуда, ҚПК-нің 201-бабына сәйкес өзге де ақпарат жариялауға жатпайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!