Осы қылмысқа қатысты тергеуді ішкі істер министрлігі тікелей бақылауға алған. Оқиғаның қайда, қашан болғаны анық айтылмайды. Бірақ 57 жастағы шендіге тағылған айып ауыр. Марат Күштібаев ішкі істер органдарында 34 жыл қызмет атқарған. Талдықорған полиция басқармасын басқарғанға дейін Алматы облысының жергілікті полиция қызметіне жетекшілік етті. Сол кезде Күштібаевтың қарамағындағы қызметкерлерді балағаттап жатқан сәті әлеуметтік желіге тарап, қызметтік тексеріс жүргізілген еді. Соған қарамастан қызметі өскен ол, енді «зорлау» бабы бойынша айыпталуда.

Атығай Арыстанов, Жетісу облысы ПД бастығы:

— Ол облыс орталығының 27 жастағы тұрғынын зорлады деген күдікке ілінді. ҚР ҚК 120-бабы, 2-бөлігі зорлау бойынша қылмыстық іс қозғалды. Барлық мән-жайы сараптамаларды тағайындаумен сотқа дейінгі тергеп-тексеруде анықталады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!