Өскеменде жаяу жүргіншілер жолында үш оқушыны көлік қағып кетті
Өскеменде көлік қағып кеткен үш оқушы ауруханада жатыр. Науқастар түрлі дәрежеде жарақаттанған.
Автор: Ұлан Нұрахмет
15.11.2023
Оқиға кеше кешқұрым қаладағы Сәтпаев пен Жібек жолы көшелерінің қилысында болды. Жеңіл көлік тізгіндеген жүргізуші жаяу жүргіншілерге арналған өткелде 13 және 14 жастағы үш оқушыны қағып кеткен. Сүйектері сынып, басына зақым келген балалар бірден Ана мен бала орталығына жеткізілді. Үшеуінің де жағдайы қалыпты дейді дәрігерлер. Қазір тәртіп сақшылары қылмыстық іс қозғап, сотқа дейінгі тергеу жүргізіп жатыр.
Әсем Қайратбек, ШҚО Денсаулық сақтау басқармасының баспасөз хатшысы:
— Екі бала травматология, ал бір бала нейрохирургия бөлімде емделіп жатыр. Олардың денсаулығын қалпына келтіруге дәрігерлер барлық іс-шараны жасалады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
