«Қоғам наразылығын қолдаймыз». "Гастро-орталық" BAU мейрамханасымен келісімшартты бұзды
Астанадағы "Гастро-орталық" Салтанат Нүкенова көз жұмған BAU мейрамханасымен келісімшартты бұзды. Орталықтың әкімшілігі әлеуметтік желідегі парақшасында экс-министр Қуандық Бишімбаевтың қолынан қаза тапқан марқұмның отбасына қайғырып көңіл айтып, болған сұмдық жағдайға өкінішін жеткізді.
Автор: Мерей Қалиасқар
17.11.2023
Басына қара бұлт үйірілген BAU мейрамханасы «Гасто-орталықта» орынды жалға алған. Бүгін мейрамхананың маңдайшасы да алынып тасталды. «Қоғам наразылығын толық қолдаймыз, зорлық-зомбылықты ақтауға болмайды» деген орталық басшылығы мен қызметкерлері тергеуге көмектесуге ниетті. Сондай-ақ «Гастро-орталыққа» жаңа директор тағайындалғаны да мәлім болды. Бүгінде бұл нысанда қауіпсіздік шаралары күшейтіліп, арнайы ұйымдармен келіссөздер жүргізілуде. Ашық дереккөздерде бірнеше мейрамхананы сыйдырған «Гасто-орталыққа» жалға берумен айналысатын компанияның бес құрылтайшының тізімі жазылған. Олардың қатарында темір торға тоғытылған Қуандық Бишімбаевтың анасы да бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
