Ләззат Ералиева, ҚР Президенті жанындағы Ұлттық ғылым академиясының вице-президенті:

— Жас ғалымдармен студенттердің басын қосқан бұл форум өте маңызды. Себебі бұл жерде тәжірибе алмасу, шеберлік сағаттары мен қатар ғалымдар пікірлеседі. Ғылым академиясы мұндай іс-шараны барынша қолдайды. Мұндай алаңда ең белсенділер көзге түседі. Оларға болашақта білім алу жағынан болсын, бизнес құрылымдарға жақындатып, жоспарын жүзеге асыру жағынан да қолдайтын боламыз.

Форум еліміздегі ең іргелі Оңтүстік Қазақстан медициналық академиясында өтіп жатыр. Мұнда алыс-жақын шетел мен отандық ғылыми медицина саласында қызмет етіп жүрген жүзден астам ғалым қатысты. Олар студенттерге білгенін үйретіп дәріс оқуда.

Ауқымды шараға қатысуға ниет білдірген 50-ге жуық аурухана, емхана мен университет дәрігерлері медицина мен фармацияны дамыту және биологиялық мәселелерді талқылады.

Форум аясында бірінші рет студенттер арасында хирургия ісі бойынша олимпиада өтуде. Қазақстан, Өзбекстан мен Қырғызстанның медициналық білім беру ошақтарында оқып жүрген жүзден астам студент ішек жарақатынан соң ота жасау сияқты хирургиялық біліктілігін көрсетті. Тек теріні тігу ғана емес, үзілген тамырлар мен ішкі ағзаның жарақатын емдеуде шеберлік көрсетті. Бұл форумды өткізуге Ұлттық ғылым академиясы мен Нұрсұлтан Назарбаев қоры мұрындық болған.

Бобур Юсупов, ОҚМА жастар ғылыми кеңесінің мүшесі:

 — Өзара ғылыми зерттеу нәтижесімен бөлісудің бірегей орталығы болып есептеледі. Өйткені бұл жерде көп елден ұйым бар, қонақтар бар, сарапшылар бар. Солармен өзіңнің ғылыми жобаң болса , сонымен қатар өзіңнің ғылыми нәтижең болса, соны талқылап, олардан фидбек алуға, объективті фидбек алуға және өзіңнің ғылыми деңгейіңді көтеруге ықпал етеді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!