Фильм банкротқа ұшырап қарызға белшесінен батқан Бауыржан есімді басты кейіпкердің өміріндегі қиын кезеңінен басталады. Тағдырына әбден қапалы жігіт Шығыс Қазақстанға кетіп қалады.  Жолы болмаған жігіттің бойында фобиясы да жетерлік. Осы сәтте оған күтпеген жерден ұсыныс түседі.

Лейла Ахинжанова, сценарий авторы:

— Өне-бойы фобияға толы басты кейіпкер өмірден әбден шаршайды. Шаршағаны соншалық, өзін-өзі атып тастағысы келеді. Бірақ Бұқтырма су қоймасына барған соң, оның өмірі түбегейлі өзгереді. Кейіпкердің жаңа қырлары ашылады.

Нақтырақ айтқанда, кейіпкерге өзін шығынға батырған инвестордың қызына үйлену керек болады. Ал ол шаңырақ құруды емес, өмірмен қоштасуды шешеді. Бірақ фильмде трагедияға жол берілмеген. Картинада танымал актерлерден бөлек, отандық блогерлер де ойнаған.

Дана Есеева, актриса:

— Команда деген керемет. Профессионалдар. Сценарий де күшті. Көңіл күйді күшті көтереді. Ең алдымен, менің ойымша, қазақстандық туризімді дамыту үшін үлкен үлес қосатын фильм деп ойлаймын.

Фильм расымен танымал туристік бағыттардың біріне айналып бара жатқан табиғаты тұмса Шығыс Қазастанда таспаланған.  Марина Сүлейменова кастингке қатысқан 100-ден аса актрисаның арасынан іріктеліп алыныпты.

Марина Сүлейменова, актриса:

— Екі кезеңмен үлкен кастинг болды. Біріншісініде муретпен қарады, онлайн болды. Одан кейін режиссермен кездесіп видеоіріктеуден  өттік. Бұл кинокартина өзіме ерекше. Өйткені басқаша, локацияның өзі басқа, актерлердің  ойнағаны да басқа. Жаңа актерлер болды.

15 күнде түсірілгенімен, психологиялық комедияда атыс та, төбелес те, Бұқтырма су қоймасында катермен қуалаған кадрлар да сәтті шыққан. Шытырман оқиғаға толы фильм бүгіннен бастап еліміздің барлық кинотеатрынан көрсетіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!