Ашулы мұғалім итергенімен қоймай, жерге жығылған оқушыға «орныңнан тұр» деп жекиді. "Берген қағазымды ұстай алмаған өңшең әртіс" деп бір-ақ басылады. Шарасыз бала ләм деуге шамасы келмей, орнына барып отырады. Бұл жағдай қазан айында Талғардағы Cosmo жекеменшік мектебінде болған. 2-сынып оқушысының ата-анасы құзырлы органға арызданыпты. Оқу -ағарту министрлігі өзін дөрекі ұстаған мұғалімнің жұмыстан кеткенін жеткізді. Ал полиция қылмыстық іс қозғап, тергеуді бастап кетті.

Ернар Сайділдин, Алматы облысы ПД ресми өкілі:

— Аталған дерек бойынша полиция қызметкерлері оқиға орнына жедел тергеу тобын жіберді. ҚР ҚК 140-бабының 2-бөлігі бойынша Талғар ауданы ПБ-да тіркелді. Алматы облысы ПД бастығының жеке нұсқауымен оқиғаның мән-жайын зерделеуде оның толықтығын, жан-жақтылығын және объективтілігін қамтамасыз ету мақсатында барлық іс-шара жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!