Жарылыс сәті оқиға куәгерінің ұялы телефонына түсіп қалыпты. Қатты жарылыстан 20 шаршы метрлік контейнердің күлі көкке ұшқан. Ал осы жерде болған наубайшы оңбай күйіп қалды. Жағдай бұдан да қиын болуы мүмкін еді. Өйткені тандырханада жұмыс істейтін Өзбекстан азаматтары аязда далада тұрған алты бірдей газ баллонын ішке кіргізіп, жылыту үшін пешке сүйеп қойған. Алғашқы жарылыстан кейін ер адам өзінің қарындасын сыртқа итеріп үлгеріпті. Сөйтіп жарылыстың алдын алмаққа әрекеттенеді. Бірақ бәрі қас-қағым сәтте болған.

Қайрат Қасым, Қостанай облысы ТЖД бастығы:

— Әйелдің айтуынша, таңертең сағат жеті шамасында пеш әбден қызған кезде 50 литрлік алты баллонды ішке кіргізген. Кешікпей алғашқысы жарылған. Өрт сөндірілгеннен кейін төрт  бірдей газ баллонының жарылғаны белгілі болды. Екеуі  жарылмай қалған. Өрт сөндірушілер зардап шеккен жоқ. Оқиға орнында тергеушілер жұмыс істеп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!