Білім беру инфрақұрылымына қаржыландыру көздері де әртүрлі болды. Мәселен, жемқорлардан қайтарылған қаражатқа биыл 28 мың оқушыға арналған 17 мектеп бой көтерген. Ал бір жарым миллионнан аса бала тегін ыстық тамақпен қамтылды.

Студенттер де тасада қалмады. Жоғары оқу орындары мен колледж студенттеріне шәкіртақы көлемі артып, 25 жатақхана пайдалануға берілген. Ал мұғалімдердің жалақысы 25 пайызға өсіп, төрт жылда екі есеге көбейіп отыр. Сонымен қатар балабақша тәрбиешілерінің жалақысы 30 пайызға артты.

Ғани Бейсембаев, ҚР Оқу-ағарту министрі:

- Мектепке дейінгі оқыту мен тәрбиелеудегі дамытуға ерекше көңіл бөлінуде. Биыл президенттің тапсырмасына сәйкес, 81 мың жаңа орын пайдалануға берілді. Мектепке дейінгі ұйымдардағы орындарды бөлуде ашықтық пен айқындықты қамтамасыз ету мақсатында балабақшаға кезекке қоюдың бірыңғай деректер базасы әзірленіп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!