Қайғылы оқиға Әйтеке би ауданындағы Аралтоғай ауылының маңында болды. Самара - Шымкент трассасында «Мерседес» пен «Вольво» соғысып, сол бойда от тұтанған. Көлік ішіндегі адамдарды сол жердегі оқиға куәгерлері сыртқа шығарып үлгеріпті. Бірақ бір жүргізуші көз жұмды. Ол Түркістан облысының тұрғыны екен. Марқұмның қасында отырған жолаушы мен «Мерседестің» жүргізушісі ауруханада жатыр. Өртенген көліктердің тек қаңқасы қалды.

Ербол Сүлейменов, Әйтеке би ауданы ПБ бастығы:

- «Вольво» жүк көлігімен «Мерседес» жүк автокөлігінің жол ережелерін сақтамауынан жол апаты болды. «Вольво» жүк автокөлігінің жолаушысы және «Мерседес» жүргізушісі түрлі жарақатпен Әйтеке би ауданының ауруханасына жеткізілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!