Еліміздегі ең ірі кен орнында басшылық түбегейлі ауысқаннан кейін, Үкімет Лаврентьевтің алдына жаңа міндеттер қойып отыр. 2024 жылы Qarmet алдымен жұмысшылардың қауіпсіздігін қамтуы керек. Бұл бір. Өндіріс көлемін ұлғайту, жаңа инвестициялық келісімшарттар жасасу және шығынды азайту арқылы өнімнің өзіндік құнын төмендету мәселелерін реттеуі қажет деді Әлихан Смайылов. Премьер-министр мемлекеттік органдарға да жауапкершілік жүктеп отыр. «Комбинаттың өзекті мәселелерін шешуде қажет қолдау көрсету керек деп атап өтті. Осыған байланысты Әлихан Смайылов Андрей Лаврентьевке бір апта ішінде ең басым міндеттер бойынша қажетті шешім қабылдауды тапсырды.

Айта кету керек, желтоқсан айында кәсіпорында өндіріс көлемі артқан. Ферроқорытпа қоры мен көмір қоры еселенген. Сондай-ақ дайын өнімді жөнелту қайта жанданыпты. Еңбекақы уақтылы беріліп, салық төлемі, сондай-ақ медициналық сақтандыру төлемі уақтылы жүргізілуде.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!