Мереке Құмаров:

— Қабылдаған диспетчерлердің сылбырлығы деп ойлаймын. Мен ол кісілерге аты-жөні мен диагнозын толық айтқан кезде қайталап кері сұрап, одан кейін жасын, тағы да басқа қосымша ақпарат сұрап жатыр. Жедел түрде, бала шығып жатыр дегеннен кейін. Білмеймін, жедел жәрдем дереу қабылдау керек деп ойлаймын. Мекенжайды беріп тұрмын. Егер жалған ақпар берсем, онда заңға тартуларына болады. 

Әйелін өзі босандырып алған азамат жедел жәрдем қызметіне наразы. 103 операторлары бірнеше минут бойы түрлі сұрақ қойып, еш асықпаған. «Амалсыз кинодан көргенімді, бар білгенімді жасадым» дейді ол. Осылайша алтыншы сәбиі өз отбасында шыр етіп дүниеге келіпті. Ал жедел жәрдем станциясының басшылары әйелдердің үйде босануы дүрбелең жасайтын дүние емес деп отыр. Тіпті Еуропа тәжірибесінен мысал келтірген директор медицина мамандары санатқа сай, уақытымен барды дейді.

Азамат Ерболов, Атырау облысы жедел жәрдем станциясының директоры:

— Бұл әйел босану не деген физиологияда қалыпты жағдай болып есептеледі. Сіз сияқты дүрбелең жасайтын патология емес. Бізде бес минутта жетіп келу керек. Ондай не емес. Бізде шақырту санаттары бар. 1,2,3,4. Сол бойынша жедел жәрлем уақытында барған. Мен ешқандай кешігу көріп тұрған жоқпын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!