Жайылымда жүріп қалың қар астында қалып қойған — тоғыз отбасының жылқысы. Жануарлар тебіндей алмай әбден ашыққан. Тіпті кейбірі бір-бірінің жал-құйрығын жей бастаған көрінеді. Жылқыларды әлдендіруге аудандық әкімдік 20 тонна жем, 40 мая шөп жеткізіп жатыр.

Ал Марқакөлдегі бірқатар елдімекендер қар астында қалғанына жарты айға жуық уақыт болды. Коммуналдық мекемелерге қалың қарды тазалау оңайға соқпай отыр. Себебі елдімекендердің арасы 40-50 шақырым. Оның үстіне кей жерлерде қардың қалындығы үш метрге дейін жеткен. Тіпті желдің ызғарымен мұзға айналып қатып қалған. Қазір үш техника Шанағаты - Балықтыбұлақ жолын қардан аршуға кірісті.

— Шанағаты ауылы. Жол ашып барамыз. Техника түнімен дүрілдеп тұрады. 40 градус аяз болды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!