Төтенше жағдайлар министрлігімен бірлесе бүгінде Cell Broadcast шұғыл хабар тарату жүйесі сынақтан өткізіліпті. Бұл технологияның дәстүрлі SMS ескертулерден ерекшелігі дыбыс пен діріл дабылы қоса шығады. Соның көмегімен абоненттің геолокациясына қарай апат аумағына жақын орналасқан миллиондаған азаматқа өрт, топан су, жер сілкінісі сияқты айтып келмейтін апат жайында ақпар бір мезетте келіп түседі. Мұндай жүйе АҚШ-та кеңінен қолданылады.

Бағдат Мусин, ҚР Цифрлық даму, инновациялар және аэроғарыш өнеркәсібі министрі:

— Бұл жүйе дәстүрлі SMS ескертулерден  ерекшеленетін жаппай хабарлаудың жаңа тәсілін білдіреді. Бір реттік байланысқа арналған SMS-тен айырмашылығы, Cell Broadcast технологиясы миллиондаған азаматтарды белгілі бір аумақтағы төтенше жағдайлар туралы тиімді хабардар етуге арналған. Бұл жүйе су тасқыны, өрт немесе лаңкестік әрекеттер, техногенді апаттар, басқа да төтенше жағдай туралы дереу хабарлауды қажет ететін кезде қолданылады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!