Әлемге танымал шабандоз Бауыржан Мырзабаевтың арманы
Қазақстандық шабандоз әлемдік ат спортында жаңа белестерді бағындырғысы келеді. Жеті жасынан ат жалынан түспеген жокей жігіт қазір де әлемге танымал. Чехияның үш дүркін, Германияның төрт дүркін чемпионы атанған Бауыржан Мырзабаевтың алға қойған мақсаты айқын.
Автор: Ақтоты Жұмабекова
31.01.2024
Бауыржан Мырзабаев, шабандоз:
— Жарты өмірімді арнадым, сондықтан бастаған нәрсені түбіне жеткізу арманым болған. Соған жеттім деп ойлаймын. Үлкен жарыстар өте көп. Тағы да бір арманым бар — «Триумфал арка» сыйлығын ұтсам.
Бауыржан Мырзабаев мансабын алғаш Чехияда бастаған. Бүгінде үздік шабандоз ретінде сұранысқа ие. Еуропадағы дүбірлі жарыстарда топ жарып, ат иелері таласатын шабандозға айналған. Бабы бен бағы қатар шапқан Бауыржан бір жылда жүзден аса жарыста мәре сызығын бірінші болып кесіп рекорд орнатыпты. Жерлесіміздің Еуропада тұрып жатқанына 15 жыл болған. Бірақ Бауыржан Отанын әсте ұмытқан емес. Тығыз жұмыс кестесіне қарамастан Қазақстанға жиі келіп-кетіп тұрады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
