— Дастер автокөлігімен жолда қар,боранның ауа райының күрт өзгеруіне байланысты тұрып қалдым. 112-ге хабарласып көмек сұрадым. Кідіртпей, жарты сағатта келіп, жігіттер қардан алып шығып, ауылға әкелді...

Құтқарушылар түннен бері жолда қалған 60 адамды жылы жерге жеткізген. Арасында алты бала бар. Олар мінген көліктер боранда жолда тұрып қалған. Хромтау қаласы мен Бадамша ауылындағы арнайы орындарға боран басылғанша орналастырылыпты. Ақтөбе аймағындағы үш республикалық, төрт облыстық маңыздағы жолдар түгел жабық. Жол сақшылары арнайы бекеттерде кезекшілікте тұр. Ауа райына қатысты ескертуді елемеген жүргізуші жолға шықса, айыппұл салынатынын ұмытпаған абзал.

Жамбыл Нұрәлиев, Ақтөбе облысы ПД патруль полиция рота командирінің орынбасары:

— Ауа райының күрт өзгеруіне яғни, боранның болуы және көру қашықтығы нашарлауы, осыған байланысты Ақтөбе қаласы Хромтау қаласы, Қарабұтақ елдімекеніне дейін барлық автокөлікке шектеу қойылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!