Астанада бір тәулікте 250-ден астам жол апаты тіркелді. Ал коммуналдық қызмет бір түнде 40 мың текше метрден аса қар шығарыпты. Әлі де бірсыпыра көшеде еріген қар суымен арпалысып әлек.

Елорда әуежайында 20-дан астам рейс кейінге шегерілді. 70-ке жуық адам түрлі жарақатпен ауруханаға түскен. Ауа райының нашарлауына байланысты 9 сыныпқа дейін сабақ онлайн форматқа көшірілді.

Лаура Қанатқызы, "Қазгидромет" РМК синоптигі:

— Скандинавиялық циклон бірте-бірте елімізден ығысатын болады, бірақ Қазақстанның басым бөлігінде жауын-шашын, бұрқасын, екпінді жел және көктайғақ сақталады. Содан кейін атмосфералық қысымның жоғарылауымен жауын-шашын сәл тоқтайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!