Бекзат Әділжанұлы, Debat eli қоғамдық қорының құрылтайшысы:

— Debat eli қоғамдық қоры тәуелсіз ұйым пікірсайыс клубына белсенді қатысқысы келіп жатқан оқушыларды және тәлімгерлерді, студенттерді педагогтерге бір бағыт беру мақсатында осындай ұйым ашып жатырмыз. Негізгі мақсат — қауымдастық өкілдеріне халықаралық принциптер мен стандарттарды сіңіру.

Сөз сайыстың басты мақсаты — еліміздің білім ордаларында пікірсайыс қозғалысын дамыта отырып, парламенттік пікірсайыстар технологиясын насихаттау дейді ұйымдастырушылар. Debat eli қоры 2026 жылы бас қалада пікірсайыстан Еуропа чемпионатын өткізуді де жоспарлап қойыпты. Жақсы нәтиже көрсетіп, оқ бойы озық шыққан жастарды сөз жарыстың Отаны саналатын Ұлыбританияға жібермекші.

Дәулет Нұркен, Республикалық дебат қозғалысын дамыту бойынша жобалық кеңсе сарапшысы:

— Жалпы дебат Қазақстанға, әлемге маңызды. Бұған дейін бағаланбаған деп есептеймін. Себебі пікірсайыс арқасында көптеген тұлғалар, мысалы, Қазақстанда Асхат Аймағамбетов, пікірсайыстан бастап ойын көрсете алды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!