Еске салсақ, қайғылы оқиға бейсенбі күні болған еді. Үш мың текше метр лай ағыны үйді төңкеріп жіберіп, төрт адамның өмірі қиылды. Марқұмдар жер қойнына тапсырылды, ал туыстары тергеудің әділ жүргізілуін талап етіп отыр.

Бұл үйде Рауза Қалиева 50 жылдан бері тұрып келеді. Ол сол сұмдық түнді қорқынышпен еске алады. Егде әйел қатты дыбыстан оянғанын айтады. Қорыққан немерелерімен жалаңаяқ көшеге жүгіріп шыққан. Бұл уақытта көрші үй қирап жатыпты.

Рауза Қалиева:

— Түнде ояндым, қатты гуіл болды. Жарайды, машиналар тағы соғылды деп ойладым. Немерем, шөберем, оның әйелі мен қызы үш айлық: «Мама, тез шық! Көшкін!» деп айқайлады. «Қалайсың? Көшкін! Тез шық», – дейді. Балаларымның бәрі жалаң аяқ. Қар қалың жауды ғой сол күні. Барлығы жүгіріп шықты. Біз мұны түсінбедік. Мен мына жаққа қараймын, тұрған үй жоқ. Көршінің үйі тұтастай қирап қалған.

Қазір зейнеткер үйіне кіруге қорқады. Көшкін оның баспанасын жартылай басып қалған. Бөлмелердің терезелері сынып, кей жерінде жарық пайда болыпты. Үй иелері қайғылы оқиғаға көршілерін кінәлап отыр. Олар жоғарыда орналасқан коттедждердің иелері кәріз құбырларын жүргізіп, қоқыс төгіп тастағанын айтады. Соның салдарынан дымқыл топырақ беткейден сырғып кеткен.

Нұргүл Қалиева:

— Қатты дыбыс естілді. Олар көшкін түсіп жатқанын айтқан кезде, қолымыздан келгенше жүгіріп шықтық. Жүгіріп шыққанда үйдің қалай қирап қалғанын көрдік. Лай көшкін үйді басып қалды. Бұл көшкіннің себебі — кәріз құбыры. Біз бұл құбырды осыдан 5-6 жыл бұрын сайттан көріп, ескерткенбіз. Біз үй иелеріне бардық. Үй иелері әдеттегідей есікті ашпайды. Біз ешкімді танымаймыз. Ешкім жоқ Неліктен олар бұл құбырды жолдың үстіне қойып, бар қалдықтарын учаскелерге төгеді.

Көшкіннен көз жұмған ерлі-зайыптылар мен 16 жастары егіз ұлдары жер қойнына тапсырылды. Жерлеу рәсіміне келгендердің қарасы қалың болды. Қайғыдан қан жұтқандар бұл отбасыны қашанда қуанышпен еске алатынын айтады.

Ілияс Омаров, қайтыс болған азаматтың әкесі:

— Мен әкесімін. Бұл менің балаларым, немерелерім. Қатысқан, дос болған, жанашырлық танытқан барлығына алғыс айтқым келеді. Неге бұлай болды? Мен білмеймін. Құдай сақтасын, мұндай жағдайды ешкімнің басына бермесін. Олар бір-бірін жақсы көрді. Сондай бақытты отбасы еді. Бұл орны толмас қайғы. Құдай сақтасын, мұның бәрі ешкімге бұйырмасын. Қайғылы оқиға алдында ол әйелімен бірге балық аулауға шыққан. Бәрі керемет болып еді. Олар бақытты еді...

Десе де санада сан сұрақ, көңілде күдік пен күмән көп. Қазір оқиғаның себептерін тексеру, лай көшкіні салдарын жою бойынша арнайы топ құрылған. Тергеу жұмыстарынан кейін нақты себебі анықталады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!