Ақтоты Боранова, ҚР ІІМ Әкімшілік полиция комитетінің аға инспекторы:

—"Қауіпсіз жол" жедел алдын алу шарасы аясында 15 ақпаннан бастап балалардың жол-көлік жарақатына бағытталған "Сіздің балаңыз — жолаушы!" акциясы өткізілуде. Республика бойынша бір айда 15 кәмелетке толмаған баладан айырылдық, оның 12-сі жолаушы болды және ата-аналардың абайсыздығынан қаза тапты.

Кісі өлімімен аяқталып жатқан мұндай апаттар қарапайым ережелердің еленбеуінен дейді полицейлер. Тек, жарты айдың өзінде осындай 175 мың жол қозғалысы ережесін бұзу жағдайы тіркелген. 800-ге жуық адам мас күйінде көлік жүргізіп, айып тұрағына шамамен 4 жарым мың машина қойылған. Ішкі істер министрлігі әсіресе, ауа райының нашарлауы кезінде жол көлік қозғалысын қатаң сақтауға және жолдарда мұқият болуға шақырады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!